--:--
--°C
ресми интернет-ресурс

ЖЕР ҚОЙНАУЫН ПАЙДАЛАНУ, ҚОРШАҒАН ОРТА ЖӘНЕ СУ РЕСУРСТАРЫ БАСҚАРМАСЫ

Павлодар облысының ортақ су пайдалану қағидалары

2018-05-21 18:18:00

Павлодар облысы мәслихатының

2018 жылғы «___»_________

№_____ шешіміне

қосымша

 

 

Павлодар облысы мәслихатының

2016 жылғы 6 желтоқсандағы

№ 70/9 шешіміне қосымша

 

 

Павлодар облысының ортақ су пайдалану қағидалары

 

  1. Осы Павлодар облысының ортақ су пайдалану қағидалары (бұдан әрі - Қағида) Қазақстан Республикасының 2003 жылғы 9 шілдедегі Су кодексінің 38 - бабының 1) тармақшасына, 65 - бабының 4 - тармағына (бұдан әрі - Кодекс), Қазақстан Республикасы Ауыл шаруашылығы министрінің 2015 жылғы 20 наурыздағы «Ортақ су пайдаланудың үлгілік қағидаларын бекіту туралы» № 19-1/252 бұйрығына сәйкес әзірленді.
  2. Ортақ су пайдалану халықтың мұқтаждарын қанағаттандыру үшiн су объектiлерi жекелеген жеке немесе заңды тұлғаларға бекiтiлiп берiлмей және судың жай-күйiне әсер ететiн құрылыстар немесе техникалық құрылғылар қолданылмай жүзеге асырылады.
  3. Ортақ су пайдалануды жүзеге асыру үшін арнайы рұқсат талап етілмейді.
  4. Кодексте көзделген жағдайларды қоспағанда, жеке және заңды тұлғалардың ортақ су пайдалану объектілеріне халықтың кіруін қоршаулар, күзет пункттерін, тыйым салатын белгілер орнату жолымен шектеуіне жол берілмейді.
  5. Экологиялық, техникалық және халықтың санитариялық -эпидемиологиялық қауiпсiздiгi мақсатында ортақ су пайдалану шектелуi немесе оған тыйым салынуы мүмкiн.
  6. Ортақ су пайдалануға:

1) шаруашылық-ауыз су мақсаттарын қанағаттандыру үшін;

2) ықтимал сел қаупі бар су объектілерін қоспағанда, рекреациялық мақсаттарда;

         3) кеме қатынасы және шағын кемелерді пайдалану үшін;

4) мал суару үшін су объектілерін пайдалану жатады.

  1. Шаруашылық-ауыз су мақсаттарын қанағаттандыру үшін жер үсті су көздерінен су алу судың жай-күйiне әсер ететiн құрылыстар немесе техникалық құрылғылар қолданылмай жүзеге асырылады.
  2. Су объектiлерi мен су шаруашылығы құрылыстарындағы көпшiлiктiң демалуына, туризм мен спортқа арналған жерлердi экологиялық талаптар мен адам өмірінің қауіпсіздігін сақтай отырып, су қорын пайдалану және қорғау, сумен жабдықтау, су бұру саласындағы, қоршаған ортаны қорғау саласындағы және халықтың санитариялық-эпидемиологиялық салауаттылығы саласындағы уәкiлеттi органдармен келiсiм бойынша облыстың жергiлiктi атқарушы орган белгiлейдi.
  3. Кеме қатынасы санатына жатқызылған Қазақстан Республикасының жер үстi су объектiлерi, оларды осы мақсаттарға пайдалануға толық немесе iшiнара тыйым салынған не олар оқшау пайдалануға берiлген жағдайларды қоспағанда, ортақ пайдаланудағы су жолдары болып табылады.

Су объектiлерiн кеме қатынасы санатына жатқызу тәртiбi, кеме қатынасы, әуе кемелерінің ұшуы (қонуы) үшін пайдаланылатын кеме қатынасы су жолдарының тiзбесi және оларды пайдалану қағидалары Кодекстің                               105-бабының 3-тармағына сәйкес бекітілетін Қағидаларға сәйкес жүзеге асырылады.

  1. Су объектiлерiн мал суару үшiн пайдалануға санитарлық қорғау аймақтарынан тыс жерде және суат алаңдары мен су объектiлерiнiң ластануы мен қоқыстануын болғызбайтын басқа да құрылғылар болған жағдайда жол берiледi.
  2. Азаматтардың өмірі мен денсаулығын сақтау мақсатында өңірлік жағдайлардың ерекшелігін ескере отырып:

1) тыйым салу және ескерту белгілері орнатылған жерлерде шомылу жүзеге асырылмайтындығы белгіленеді.

Демалу мен шомылу алаңдары үшін қауіпті және жабдықталмаған суайдындарда Қазақстан Республикасы Ішкі істер министрлігінің аумақтық бөлімшелері мен жергілікті атқарушы органдары Қазақстан Республикасы Ішкі істер министрінің 2015 жылғы 19 қаңтардағы «Су объектілерінің қауіпсіздігін қамтамасыз ету ережесін бекіту туралы» № 34 бұйрығының талаптарына сәйкес  тыйым салу және ескерту белгілерін орнатады;

2) Халықтың санитарлық-эпидемиологиялық салауаттылығы саласындағы уәкілетті орган тыйым салған немесе шектеу қойған жер үсті және жер асты су объектілерінен ауыз су мен тұрмыстық қажеттіліктерге арналған су алу;

3) облыстың аумағында орналасқан су объектілерінде, сонымен қатар Павлодар облысының (қаласының) әкімшілік аумағы шегінде орналасқан көлдерде (су қоймаларында), шағын кемелерде және басқа да жүзу құралдарында жүзу және оларды пайдалану, Қазақстан Республикасы инвестициялар және даму министірінің міндетін атқарушының 2015 жылғы 27 наурыздағы № 354 «Шағын көлемді кемелерді және олар тоқтауға арналған базаларды (құрылыстарды) пайдалану қағидаларын бекіту туралы» (Нормативтік-құқықтық актілерді мемлекеттік тіркеу тізілімінде № 11197 болып тіркелген) бұйрығына сәйкес жүзеге асырылады, тұрғындардың қауіпсіздігін және шағын көлемді кемелердің өтуін қамтамасыз ету үшін су пайдалануды оқшау немесе бірлесіп жүзеге асырайтын су пайдаланушы мына жұмысты ұйымдастырады:

1) адамдардың шомылу аймағынан тысқары жерлерде, шағын көлемді кемелердің өтуі үшін ұзындығы және ені кем дегенде 25 метр ашық түсті қалқыма белгілермен немесе қадалармен қоршалған, «ДӘЛІЗ АЙМАҒЫНДА ШОМЫЛУҒА ҮЗІЛДІ-КЕСІЛДІ ТЫЙЫМ САЛЫНАДЫ!» деген ескерту және шектеу белгілері бар дәліз жарақтайды.

2) халықтың шомылу аймағын «ДӘЛІЗ АЙМАҒЫНДА ШОМЫЛУҒА ҮЗІЛДІ-КЕСІЛДІ ТЫЙЫМ САЛЫНАДЫ!», «ХАЛЫҚТЫҢ ШОМЫЛУ АЙМАҒЫНДА ШАҒЫН КӨЛЕМДІ КЕМЕЛЕРДЕ ЖҮЗУГЕ ТЫЙЫМ САЛЫНАДЫ!» деген ескерту және шектеу белгілері бар ашық түсті қалқыма белгілерімен және қадалармен қоршайды.

4) мал суару осы Ереженің 10-тармағының талаптарына сәйкес жол беріледі.

  1. Облыс жергілікті атқарушы органы тиiстi аумақтарда орналасқан су объектiлерiнiң, сумен жабдықтау және су бұру жүйелерінің жай-күйi туралы халықты хабардар етудi жүзеге асырады.
  2. Оқшау немесе бірлесіп су пайдалануды жүзеге асыратын су пайдаланушы, егер Павлодар облыстық мәслихатының шешiмiнде өзгеше белгiленбесе, Кодекстің 67-бабының 3-тармағына және 68-бабының 4-тармағына сәйкес ортақ су пайдалану шарттары немесе оған тыйым салу туралы жариялайды.
  3. Ортақ су пайдаланудың шарттарын немесе оған тыйым салынатынын жариялау үшін оқшау немесе бірлесіп су пайдалануды жүзеге асыратын су пайдаланушы Павлодар облыстық мәслихатына ортақ су пайдаланудың шарттарын немесе оған тыйым салынатынын белгілеудің қажеттігі негізделген ұсыныс енгізеді.

14-1. Павлодар облыстық мәслихаты кезекті немесе кезектен тыс сессиясы барысында ортақ су пайдаланудың шарттарын немесе оған тыйым салынатынын белгілеу бойынша тиісті шешім қабылдайды және оны үш жұмыс күні ішінде су пайдаланушыға жолдайды.

  1. Жарияланған ортақ су пайдаланудың шарттары немесе оған салынатын тыйымдар шаруашылық-ауыз су мақсаттарын қанағаттандыру үшін ортақ су пайдалануды жүзеге асыруды шектемеуі тиіс.

15-1. Су пайдаланушы Павлодар облыстық мәслихатынан оң шешім алғаннан кейін бұқаралық ақпарат құралдары арқылы, сондай-ақ, арнайы ақпараттық белгілер арқылы халықты шомылуға тыйым салынатыны және ортақ су пайдалануды жүзеге асырудың басқа шарттары туралы хабардар етуді қамтамасыз етеді.

  1. Ортақ су пайдалану үшін су объектілерін пайдалану кезінде жеке және заңды тұлғалар:

         1) су объектілерін ұқыпты пайдалануы;

         2) су объектілерін пайдаланудың белгіленген режимін сақтауы;

         3) су объектілерінде мәдени, спорттық және басқа да іс-шараларды өткізу кезінде қауіпсіздік шараларын сақтауы;

4) су объектілерін және іргелес аумақтарын тиісті санитариялық нормаларға сай ұстауға, тұрмыстық, құрылыс және басқа да қалдықтармен қоқыстауға, іргелес аумақтарды ластаудың алдын алу және жою жөніндегі                     іс-шараларды уақытылы жүзеге асыруы тиіс.

  1. Ортақ су пайдаланудың су объектілерін пайдалану кезінде:

         1) су объектісін ластауға және қоқыстауға;

         2) шомылуға арналған орындарда киім жууға және жануарларды шомылдыруға;

         3) ескерту немесе тыйым салу жазулары бар арнайы ақпараттық белгілер қойылмаған орындарда шомылуға;

         4) арнайы ақпараттық белгілерді өз еркімен алып тастауға, бұзуға және жоюға;

         5) аумақта жанар-жағар май материалдарын сақтауға;

         6) көлікке жанар май құюды, жууды және жөндеуді жүзеге асыруға;

         7) су объектілерінде және оларға тікелей жақын жерде кәмелетке толмаған балаларды үлкендердің қарауынсыз тастауға жол берілмейді.

Версия для слабовидящих